एजेन्सी । रुस विश्वकप फुटबलको तयारीमा रहेको पोल्याण्डले अन्तर्राष्ट्रिय मैत्रीपूर्ण खेलमा जित निकालेको छ । मंगलबार राति भएको खेलमा पोल्याण्डले लिथुनियालाई ४-० ले हराएको हो ।
पोल्याण्डको जितमा रोबर्टो लेवान्डोस्कीले दुई गोल गरे । यस्तै डविड कोनास्की र ज्याकुब ब्लासजेकस्कीले एक एक गोल थपेका थिए ।
भोलिबाट सुरु हुने विश्वकपमा पोल्याण्ड समूह एचमा रहेको छ । यो समूहमा पोल्याण्डसँगै जापान, सेनेगल र कोलम्बिया रहेको छ ।
