काठमाडौ । मलेसियासँग खेल्ने नेपाली राष्ट्रिय फुटबल टोलीको प्लेईङ-११ सार्वजनिक भएको छ ।
मुख्य प्रशिक्षक योहान कालिनले मलेसियासंग खेल्ने नेपाली टोलीको घोषणा गरेको हो । बुरीत जालिल राष्ट्रिय मैदानमा नेपाल र मलेसियाबीचको खेल समय अनुसार राति पौने आठ बजे सुरु हुनेछ ।
नेपाली टोलीको अग्रपंक्ति नवयुग श्रेष्ठ र विमल रानाले सम्हाल्ने छन् ।
विश्वकप छनोटको तयारीमा रहेको नेपालले विशेष तयारीका लागि मैत्रीपूर्ण खेल खेल्न लागेको हो ।
फिफा वरियतामा नेपाल १ सय ६१ औं स्थानमा रहँदा मलेसिया १ सय ६८ औ स्थानमा रहेको छ । फिफा वरियतामा नेपाल माथि देखिएपनि प्राविधिक रुपमा मलेसिया बलियो टिम हो ।
मलेसियासंगको खेलपनि नेपाल अर्को मैत्रीपूर्ण खेल खेल्न चाईनिज ताईपे जाने छन् ।
नेपाली टिम :
गोलकिपर : किरण चेम्जोङ
डिफेन्डर : रञ्जित धिमाल, अनन्त तामाङ, विराज महर्जन, देवेन्द्र तामाङ
मिडफिल्डर : रवी पासवान,रोहित चन्द,बिक्रम लामा, सुजल श्रेष्ठ
फरवार्ड : नवयुग श्रेष्ठ, विमल राना
