एजेन्सी । ब्राजिलियन फुटबलर नेयमारलाई यौन दुर्व्यवहारको आरोप लागेको छ । स्पेनकी एक महिलाले नेयमारले पेरिसमा आफुलाई यौन दुर्व्यवहार गरेको आरोप लगाउँदै मुद्दा दर्ता गरेकी छिन् ।
साउ पाओलो प्रहरीका अनुसार ती महिलाले पेरिसको एक होटलमा आफुलाई नेयमारले दुर्व्यवहार गरेको आरोप लगाएकी छिन् । नेयमार पेरिसकै क्लब पेरिस सेन्ट जर्मेन (पीएसजी) बाट फुटबल खेल्दै आईरहेका छन् ।
यस विषयमा नेयमारका प्रतिनिधिले भने मुख खोलेका छैनन् । अहिले नेयमार कोपा अमेरिकाका लागि ब्राजिलियन टोलीबाट प्रशिक्षण गरिरहेका छन् ।
