काठमाडौं । राष्ट्रिय फुटबल टिमका मिडफिल्डर रोहित चन्दको क्लब पर्सिजा जाकार्ता ईन्डोनेसियाको लिग वानमा पुन पराजित भएको छ । शुक्रबार राति भएको खेलमा पर्सिजा क्लब बाली युनाईटेडसंग १–० गोल अन्तरले पराजित भएको हो ।
खेलको ८१ औ मिनेटमा पाउलो सेर्गियोले गोल गर्दै बालीलाई महत्वपुर्ण तीन अंक दिलाए ।
रोहितले पुरै समय मैदानमा बिताएका थिए ।
गत सिजनको लिग च्याम्पियन पर्सिजा जाकार्ताको यो लगातार दोस्रो हार हो । पहिलो खेलमा बराबरी खेलेको जाकार्ताले पछिल्लो दुई खेलमा पराजय भोगेपछि टिम रेलिगेशन जोनमा धलेकिएको छ ।
मात्र एक अंक जोडेको जाकार्ता लिगको १६ औ स्थानमा छ । लगातार तीन खेलमा जित निकालेको बाली दोस्रो स्थानमा उक्लिएको छ ।
