एजेन्सी । बार्सिलोनाका कप्तान लियोनल मेस्सी अर्जेन्टिनाको राष्ट्रिय टोलीको प्रशिक्षण सामेल भएका छन् । कोपा अमेरिकाका लागि जारी टिमको प्रशिक्षणमा मेस्सी पनि सामेल भएका हुन् ।
मेस्सीसंगै सर्जियो अग्युरो समेत टिमको प्रशिक्षणमा सामेल भएका छन् । कोपा अमेरिकाका लागि अर्जेन्टिनाले आइतबारबाट तयारी सुरु गरेको हो ।
ब्राजिलमा आयोजना हुने कोपा अमेरिका आगामी जुन १४ बाट सुरु हुँदैछ ।
मेस्सीको अर्जेन्टिना कठिन मानिएको समूह समूह 'बी' मा रहेको छ । यस समूहमा कोलम्बिया,पराग्वे र आमन्त्रित टिम कतार रहेका छन् ।
अर्जेन्टिनाले पहिलो खेलमा कोलम्बियाको सामना गर्नेछ ।
गत संस्करणमा अर्जेन्टिना चिलीसंग फाइनलमा पराजित भएको थियो ।
-1735306900.JPG)
