एजेन्सी । फ्रेन्च क्लब पेरिस सेन्ट जर्मेन (पीएसजी) का प्रशिक्षक थोमस टुचेलले थप एक बर्षको लागि क्लबसंगको सम्झौता नवीकरण गरेका छन् ।
जर्मन प्रशिक्षक टुचेलले शनिबार क्लबसंग नवीकरण सम्झौतामा हस्ताक्षर गरेका छन् । क्लबसंगको सम्झौतामा नवीकरण गरेसंगै ४५ बर्षीय टुचेल सन् २०२१ सम्म पीएसजीमै रहने भएका छन् ।
युनाई इम्रीले क्लब छाडेपछि गत सिजन टुचेल क्लब आएका थिए ।
बोरुसिया डर्टमण्डका पूर्व प्रशिक्षक टुचेलले पीएसजीलाई यस सिजन लिग वानको उपाधि दिलाएका थिए ।
