काठमाडौं । पब्लिक युथ क्याम्पस र नेपाल कमर्स क्याम्पसले अन्तर कलेज टियु बिबिए/बिआईएम क्रिकेटको उपाधि जितेका छन् । पब्लिकले बिबिए र नेपाल कमर्सले बिआईएमतर्फ उपाधि जितेको हो ।
मुलपानी क्रिकेट मैदानमा शुक्रबार भएको फाइनलमा पब्लिकले नेपाल कमर्स क्याम्पसलाई ७ विकेटले पराजित गर्यो । नेपाल कमर्सले दिएको १०९ रनको लक्ष्य पब्लिकले १६ ओभर ३ बलमा मात्र ३ विकेट गुमाएर पुरा गर्यो ।
उपाधिसंगै पब्लिकले ७० हजार प्राप्त गर्दा उपविजेता नेपाल कमर्सले ३५ हजार प्राप्त गर्यो ।
पब्लिकका इर्साद अन्सारी प्लेयर अफ दि सिरिज चुनिए । उनले ३ हजार नगदसहित गिफ्ट भौचर प्राप्त गरे । प्रतियोगितामा बेस्ट ब्याट्सम्यान विप्लब बस्नेत, बलर रन्जन प्रसाई चुनिए । दुवैले ३ हजार नगदसहित गिफ्ट भौचर प्राप्त गरे ।
यस्तै बिआईएमतर्फ उपाधि जित्ने क्रममा नेपाल कमर्सले सेन्ट जेभियरलाई ६ विकेटले हरायो ।
उपाधिसंगै नेपाल कमर्सले ३० हजार र उपविजेता सेन्ट जेभियरले १० हजार प्राप्त गर्यो ।
बिआईएमतर्फ दिपेन्द्र मैनाली प्लेयर अफ दि सिरिज,आवाज घिमिरे बेस्ट ब्याट्सम्यान र नितेश वोस्ती बेष्ट बलर चुनिए ।
-1736475046.jpg)
