एजेन्सी । रियल मड्रिडका डिफेन्डर राफेल भरानेले अर्को सिजन क्लब बलियो भएर प्रस्तुत हुने बताएका छन् ।
रियल यस सिजन खराब प्रदर्शन गर्दै उपाधिविहीन बनेको थियो । तर, विश्वकप विजेता डिफेन्डर भरानेले अर्को सिजन क्लबले उत्कृष्ट नतिजा ल्याउनेमा आफु विश्वस्त रहेको बताए ।
'म विश्वस्त छु । हामी अर्को सिजन बलियो हुनेछौं,' २५ वर्षीय भरानेले भने, 'केहि नयाँपन सहित हामी पुरानो लयमा फर्कन चाहन्छौं ।'
ला लिगामा यस सिजन रियल तेस्रो भएको थियो । रियल च्याम्पियन बार्सिलोनाभन्दा १९ अंकले पछि परेको थियो ।
यस्तै फ्रान्सका भरानेले आफु रियल मै बस्ने बताएका छन् । 'म अझै रियालमा बस्न चाहन्छु,' भरानेले भने ।
पछिल्लो समय भराने म्यानचेस्टर युनाईटेड हल्ला चलेको थियो ।
-1735220291.jpg)
