काठमाडौं । भारतमा जारी हिरो महिला लिग फुटबलको फाइनल खेल आज (बुधबार) हुँदैछ ।
फाइनलमा नेपाली फरवार्ड सावित्रा भण्डारी र अनिता बस्नेत सम्मिलित सेथु फुटबल क्लब र मनिपुर पुलिस क्लबले प्रतिस्पर्धा गर्नेछन् ।
गुरु नानक स्टेडियममा हुने सेथु र मनिपुरबीचको खेल अपरान्ह ४:१५ बजे सुरु हुनेछ । र, दुवै टोली उपाधि जित्ने लक्ष्यसहित मैदान उत्रने छन् ।
सेमिफाइलनमा एसएसबी सेन्ट्रल वुमन्स फुटबल क्लबलाई ८–१ को भारी गोल अन्तरले पराजित गर्दै सेथु उपाधि नजिक पुगेको हो ।
सेथुको जितमा नेपाली फरवार्ड सावित्राले ह्याट्रिकसहित ४ गोल गरेकी थिईन् । फाइनलमा सेथुले सावित्रासंग उच्च प्रदर्शनको आशा राखेको छ ।
मनिपुरले सेमिफाइनलमा गोकुलम केरेलालाई ४-२ गोल अन्तरले पराजित गरेको थियो ।
-1735220291.jpg)
