एजेन्सी । सन् १९७५ बाट सुरु भएको आईसीसी विश्वकप क्रिकेटले ११ औं संस्करण पार गरिसकेको छ । क्रिकेटको कुम्भमेला विश्वकपको १२ औं संस्करण एक सातापछि सुरु हुँदैछ ।
विश्वकपको ११ औं संस्करण सकिदासम्म २० राष्ट्रले मात्र सहभागीता जनाएका छन् । जसमा ५ राष्ट्रले मात्र विश्वकपको उपाधि हात पारेका छन् ।
विश्वकपमा सर्वाधिक सफल टोली अष्ट्रेलिया रहेको छ । उसले ५ पटक उपाधि हात पारेको छ । यस्तै वेष्ट इण्डिज र भारतले २-२ विश्वकप जित्दा पाकिस्तान र श्रीलंकाले १-१ पटक उपाधि जितेका छन् ।
विश्वकपको हरेक संस्करणमा विभिन्न खेलाडी तथा राष्ट्रले विभिन्न किसिमका कीर्तिमानहरु बनाउदै आएका छन् । र, प्रतियोगितामा केहि नाटकीय मोड हुन्छन त केहि भावुक क्षण ।
हामीले अघिल्ला विश्वकपहरुमा बनेका ४ रोचक तथ्यहरुबारे वर्णन गरेका छौं ।
१. नुवान कुलसेकारा
श्रीलंकाका नुवान कुलसेकाराले दुई फरक विश्वकपमा पहिलो र अन्तिम ओभरमा बलिङ गरेका थिए । उनले सन् २०११ को विश्वकपको अन्तिम ओभर र सन् २०१५ को पहिलो ओभरमा बलिङ गरेका थिए ।
भारतमा भएको २०११ को विश्वकपको फाइनल खेलमा श्रीलंकाले २ सय ७४ रनको लक्ष्य प्रस्तुत गरेको थियो । जवाफी ब्याटिङमा आएको भारतले २८ ओभर २ बलमा धोनीले कुलसेकारालाई छक्का प्रहार गर्दै दोस्रो पटक उपाधि उचालेको थियो ।
बाँया हाते बलर कुलसेकाराले सन् २०१५ मा अष्ट्रेलियामा भएको विश्वकपको पहिलो खेल न्युजिल्याण्डविरुद्धको पहिलो ओभर बलिङ गर्ने मौका पाएका थिए ।
२. मार्भन अटापट्टु
श्रीलंकाका खेलाडी मार्भन दुई पटक विश्वकपको टिममा परेपनि खेल खेल्न नपाउने खेलाडी हुन् । सन् १९९६ र सन् २००७ को विश्वकप खेल्ने खेलाडीको सूचीमा परेपनि मार्भनले सुरुवाती-११ मा स्थान बनाउन सकेनन् ।
रोचक तथ्य के थियो भने श्रीलंकाले दुवै विश्वकपमा फाइनल तय गरेको थियो । सन् १९९६ को विश्वकपको फाइनलमा अष्ट्रेलियालाई पराजित गर्दै उपाधि हात पारेको थियो । तर, उनी मात्र एक खेलाडी बेन्चमा थिए जसले कुनै खेल खेल्ने मौका पाएका थिएनन् । यो पल उनको लागि निकै दुखद थियो ।
आफ्नो देशका लागि २ सय ६८ एकदिवसीयमा १३ शतक र ५९ अर्धशतकको मद्दतले ८ हजार ५ सय २९ बनाएका उनले दुवै विश्वकपको खेलमा सहभागी हुने मौका पाएनन् ।
३. एडमण्ड जोएस र इयान मोर्गन
विश्वकपमा दुई राष्ट्रबाट खेल्ने खेलाडीको नाम हो एडमण्ड क्रिस्टोफर जोएस र इयान मोर्गन । यी खेलाडीले फरक फरक विश्वकपमा फरक राष्ट्रको प्रतिनिधित्व गर्दै विश्वकप खेलेका थिए ।
सन् २००७ को विश्वकप जोएसले इङ्ल्याण्डबाट र मोर्गनले आयरल्याण्डबाट विश्वकप खेलेका थिए । अर्को संकरणको विश्वकप सन् २०११ मा जोएसले आयरल्याण्ड र मोर्गनले इङ्ल्याण्डको प्रतिनिधित्व गरे ।
सन् २००७ को संकरणमा जोएसले इङ्ल्याण्डका लागि ५ खेलमा २ अर्धशतक सहित १ सय ५२ रन बनाएका थिए । यस्तै सोहि संस्करणमा मोर्गनले ९१ रन बनाउन सफल रहेका थिए ।
सन् २०११ मा जोएसले आयरल्याण्डका लागि ६ इनिङ्समा अर्धशतक सहित १ सय ७६ रन जोडे भने मोर्गनले ३ इनिङ्समा २ अर्धशतक सहित १ सय २० रनको यागदान गरे ।
अर्को साता सुरु हुने विश्वकपमा मोर्गनले इङ्ल्याण्डको कप्तानी गर्दै छन् । जोएसले भने क्रिकेटबाट सन्यास लिईसकेका छन् ।
४. ग्राहम गोच
जुनै खेलको फाइनल खेल गुमाउनु निकै पिडादाई हुन्छ, त्यसमा पनि विश्वकपको फाइनल । इङ्ल्याण्डका पुर्व क्रिकेटर ग्राहमले ३ संस्करणको फाइनल खेल गुमाएका छन् र उनलाई निकै अभागी खेलाडी मानिने गरिन्छ ।
ग्राहमले इंग्ल्याण्डबाट सन् १९७९, १९८७ र १९९२ को विश्वकप खेलेका थिए । तर, तीनै संस्करणमा ग्राहमको टिम इंग्ल्याण्ड फाइनलमा पराजित भएको थियो ।
इंग्ल्याण्ड सन् १९७९ को विश्वकपमा ७ विकेट र सन् १९८७ को फाइनलमा ७ रनले अष्ट्रेलियासंग पराजित भएको थियो ।यस्तै सन् १९९२ मा पाकिस्तानसंग फाइनलमा २२ रनले पराजित भएको थियो ।
