एजेन्सी । स्पेनिस क्लब बार्सिलोनाका कप्तान लियोनल मेस्सीले पिचिची अवार्ड जितेका छन्। स्पेनिस ला लिगामा यस सिजन सर्वाधिक गोलकर्ता बन्दै मेस्सीले पिचिची अवार्ड जितेका हुन् ।
मेस्सीले यस सिजन ला लिगामा ३६ गोल गरे । र, मेस्सीले आफ्नै टिमका लुइस स्वारेज र रियल मड्रिडका करिम बेन्जिमालाई पछि पारे ।
मेस्सीले आइतबार भएको सिजनको अन्तिम खेलमा इबरविरुद्ध दुई गोल गरेका थिए । योसंगै मेस्सीले यस सिजन सबैखाले प्रतियोगितामा ५० औं गोल समेत पुरा गरे ।
यस सिजनको अवार्डसंगै मेस्सीले छैटौं पटक पिचिची अवार्ड हात पार्न सफल भए । र, मेस्सीले सर्वाधिक ६ पटक पिचिची अवार्ड जित्ने कीर्तिमानसंग बराबरी गरे । मेस्सीले एट्लेटिको मड्रिडका लिजेण्ड टेल्मो जाराले ६६ वर्षअगाडी बनाएको कीर्तिमान बराबरी गरेका हुन् ।
-1735138694.jpeg)
-1735136879.JPG)
