एजेन्सी । प्रिमियर लिग क्लब म्यानचेष्टर सिटीले कप्तान भिसेन्ट कम्पनीले क्लब छाड्ने बताएको छ । करिब ११ बर्ष बिताएका कप्तान कम्पनीले क्लब छाड्ने निर्णय गरेको सिटीले बताएका हो ।
उनले क्लबमा रहदाँ चार प्रिमियर लिग, दुई एफ ए कप, चार लिग कप र दुई कम्युनिटी सिल्डको उपाधि जितेको थियो ।
उनले क्लबबाट ३ सय ६० खेल खेलेका थिए । जसमा २० गोल समेत गरेका थिए ।
'म निकै आभारी छु । तर मैले छाडेर जाने समय आएको छ । जसरी सिजन बितेको छ । गर्भ गर्न लायक चिज बाहेक मसंग अरु केही छैन ।' उनले भनेका छन् ।
'जसले यो यात्रामा सहयोग गरे सबैप्रति आभारी छु । म पहिलो दिन याद गर्छु । म अन्तिम दिन म देख्न सक्छु । जे जति सहयोग र सद्भाव प्राप्त गरे, म्यानचेष्टर प्रति निकै आभारी छु ।' उनले थपेका छन् ।
'म म्यानचेष्टरका समर्थकलाई बिर्सन सक्दिन जसले राम्रा दिन मात्र होईन, नराम्रो दिनमा समेत सहयोग गरे । जसले मलाई सधै उत्साह भर्ने काम गरे ।' उनले भने, 'शेख मन्सुरीले मेरो जिवन परिवर्तन गरे । विश्वभरका सिटी प्रशंसकलाई खुसी बनाए । म सधै धन्य हुनेछु ।'
बेल्जियमका अन्तराष्ट्रिय खेलाडी कम्पनीले युवा अवस्थामा बेल्जियमको क्लब एन्डरलेचमा बिताएका थिए । त्यसपछि लामो समय उनी प्रिमियर लिग क्लबमा रहेर फुटबल करियर अघि बढाएका थिए ।
-1735138694.jpeg)
-1735136879.JPG)
