एजेन्सी । घरेलु भूमिमा आयोजना हुने कोपा अमेरिका फुटबलका लागि ब्राजिल राष्ट्रिय फुटबल टोलीको घोषणा गरेको छ ।
ब्राजिलले शुक्रबार कोपा खेल्ने २३ सदसीय टोलीको घोषणा गरेको हो । ब्राजिलको पाँच शहरमा हुने कोपा अमेरिका आगामी जुन १४ बाट सुरु हुनेछ ।
ब्राजिलले घोषणा गरेको टिममा नेयमार, गाब्रियल जिसस, रोबर्टो फिर्मिन्हो, फिलिपे काउटिन्हो लगायका खेलाडीले स्थान बनाएका छन् ।
केहि चर्चित खेलाडी भने टिम बाहिर भएका छन् । यस पटक नियमित सदस्य तथा डिफेन्डर मार्सेलो, फाबिन्हो, लुकास मौरा र भिनियस जुनियर टिम बाहिर रहेका छन् ।
ब्राजिलको टिम :
गोलकिपर : एन्डरसन, एलिसान, कासियो
डिफेन्डर : डानी अल्भेस, थिएगो सिल्भा, मार्क्विन्होस, फिलिप लुइस, मिरन्डा,फाग्नेर, इडेर मिलिटाओ, एलेक्स सान्ड्रो,
मिडफिल्डर :एल्लन, आर्थर,कासिमिरो,फर्नानडिन्हो, लुकास, फिलिपे काउटिन्हो
फरवार्ड : नेयमार,एभर्टन,रोबर्टो फिर्मिन्हो,गाब्रियल जिसस,डेभिड नेरेस, रिचार्लीसन
