एजेन्सी । सर्बियन स्ट्राईकर लुका जोभिकलाई स्पेनिस महारथी क्लब रियल मड्रिडले अनुबन्धन गरेको छ । सर्बियाका अन्तराष्ट्रिय फरवार्डलाई रियलले ५ बर्षका लागि अनुबन्धन गरेको हो । उनले बर्षको करिब ९ मिलियन पाउण्ड रकम आर्जन गर्नेछन् ।
२१ बर्षका फरवार्डले गत सिजन बुन्डेशलिगामा फ्रेन्कफर्टबाट सुखद सिजन बिताएका थिए । उनले ४७ खेलमा २७ गोल गर्दै आफुलाई टाईमलाईनमा राख्न सफल भएका थिए ।
उनको क्लब बुन्डेशलिगाको छैटौ स्थानमा रहेको छ । र क्लब युरोपा लिगको सेमिफाईनलमा प्रवेश गरेको थियो । लण्डन क्लब चेल्सीसंग पराजित हुदै टिम प्रतियोगिताबाट बाहिरिएको थियो ।
उनी बेन्फिकाबाट लोनमा फ्रेन्कफर्ट पुगेका थिए । क्लबको प्रशिक्षकमा नियुक्त भएपछि जिनेदिन जिदानले नयाँ सिजनका लागि जोभिकलाई टिममा समावेश गरेका छन् ।
पोर्टोका ब्राजिलियन डिफेन्डर इडर मिलिटाओ समेत मार्चमा वर्नवेउ आउन सहमत भएका छन् ।
