एजेन्सी । इंग्ल्यान्डका क्रिकेट कप्तान इयान मोर्गनलाई एक खेलको प्रतिबन्ध लागेको छ ।
पाकिस्तानविरुद्ध बिहिबार भएको खेलमा स्लो ओभर रेटको कारण मोर्गनलाई एक खेलको प्रतिबन्ध लागेको हो । उक्त खेलमा इंग्ल्यान्डले पाकिस्तानलाई ६ विकेटले हराएको थियो ।
प्रतिबन्धसंगै मोर्गनले पाकिस्तानविरुद्ध शुक्रबार हुने चौंथो एकदिवसिय खेल गुमाउने छन् । यस्तै उनलाई म्याच फि को ४० प्रतिशत जरिवाना समेत गरिएको छ ।
पाकिस्तानविरुद्धको पाँच खेलको सिरिजमा इंग्ल्यान्ड २-० ले अघि रहेको छ ।
