एजेन्सी । इन्ग्लिश क्लब लिभरपुलका डिफेन्डर एन्डी रोर्बटसनले लिभरपुल अर्को सिजनको प्रिमियर लिगमा बलियो हुने बताएका छन् ।
लिभरपुल यस सिजन म्यानचेस्टर सिटीसंग १ अंकले पछि पर्दै उपाधि जित्नबाट बन्चित भएको थियो । यस सिजनको प्रिमियर लिगको उपाधि छिनोफानो अन्तिम चरणको खेलले तय गरेको थियो ।
यस सिजन उपाधि जित्न असफल भएपनि अर्को सिजन लिभरपुल बलियो भएर आउने डिफेन्डर रोर्बटसनले बताए ।
‘आशा छ कि । हामी यहाँ धेरै वर्षकालागि हुनेछौ र हामी परिपक्वता र अनुभवमा अर्काे वर्ष उत्कृष्ट टिम हुनेछौ ।’ रोर्बटसनले भने ।
यस सिजन सिटीले ९८ अंक जोडेर उपाधि जित्दा ९७ अंक जोडेको लिभरपुल उपविजेता बनेको थियो ।
यस्तै रोर्बटसनले सिटीलाई अर्को वर्ष पनि लिभरपुल यहिँ अवस्थामा रहने कुराको जानकारी भएको बताए ।
‘सिटीलाई थाहा छ हामी यहाँ हुन्छौ । हामी निश्चित यहाँ हुन्छौं,’ रोर्बटसनले थपे ।
