एजेन्सी । बंगलादेश त्रिदेशीय एकदिवसीय क्रिकेट सिरिजको फाइनलमा प्रवेश गरेको छ ।
सोमबार राति भएको खेलमा वेष्ट इण्डिजलाई ५ विकेटले पराजित गर्दै बंगलादेश एक खेल बाँकी रहदै फाइनल प्रवेश गरेको हो ।
वेष्ट इण्डिजले दिएको २ सय ४८ रनको लक्ष्य बंगलादेशले ४७ ओभर २ बलमा ५ विकेटको क्षतिमा पुरा गर्यो । उसका लागि मुशाफिकर रहिमले ६३ रनको अर्धशतकीय इनिङस खेले । यस्तै सौम्य सरकारले ५४ तथा मोहमद मिथुनले ४३ रनको योगदान गरे । वेष्ट इण्डिजका लागि अश्ले नर्सले ३ विकेट हात पारे ।
यसअघि टस जितेर पहिले ब्याटिङ गरेको वेष्ट इण्डिजले निर्धारित ५० ओभरमा ९ विकेट गुमाउदै २ सय ४७ रन बनाएको थियो । उसका लागि साई होपले सर्वाधिक ८७ रनको अर्धशतकीय इनिङ्स खेले । यस्तै कप्तान जेसन होल्डरले ६२ तथा सुनिल अम्ब्रिसले २३ रन जोडे । बंगलादेशका लागि मुस्ताफिजुर रहमानले ४ विकेट हात पारे ।
जितसंगै बंगलादेशले ३ खेलमा १० अंक जोड्यो । चार खेलमा २ जित तथा २ हार व्यहोरेको वेष्ट इण्डिज समेत फाइनल प्रवेश गरेको छ ।
घरेलु टोली आयरल्याण्ड सिरिजबाट बाहिरिएको छ ।
-1736389050.jpg)
