एजेन्सी । इटालियन क्लब युभेन्ट्सका पुर्व खेलाडी आन्द्रे पिर्लोले युभेन्ट्सका लागि स्पेनिस मिडफिल्डर इस्कोको आवश्यकता रहेको बताएका छन् ।
पुर्व प्ले मेकर पिर्लोले युभेन्ट्सको टिम बलियो बनाउन रियल मड्रिडका इस्कोको आवश्यकता रहेको र उनलाई क्लबमा अनुबन्ध गर्न सुझाब दिएका छन् ।
‘मेरो विचारमा हामीलाई इस्कोको आवश्यकता छ,’ पिर्लोले भने, 'हामी अर्काे स्तरमा छौ । तर हामीले च्याम्पियन्स लिग जित्नुपर्छ ।’
पिर्लोले च्याम्पियन्स लिग जित्न युभेन्ट्सको मिडफिल्डमा इस्कोको रचनात्मक प्रदर्शन आवश्यकता रहने बताए ।
‘सायद मिडमा कसरी बल रोनाल्डोलाई दिने भन्ने कुरामा कमी छ उनीहरुलाई थाहा छैन,’ पिर्लोले थपे, 'च्याम्पियन्स लिगसम्म पुग्न मिडफिल्डरको आवश्यकता हुन्छ ।’
इटालीका पुर्व मिडफिल्डर पिर्लोले सन् २०११–१५ सम्म युभेन्ट्सबाट खेलेका थिए ।
