काठमाडौं । पल्सर सहिद स्मारक 'ए' डिभिजन लिग च्याम्पियन सिग्नेचर मनाङ मर्स्याङ्दी क्लबले भारतीय खेलाडी मोहमद आसिफलाई रिलिज गरेको छ ।
मनाङका मुख्य प्रशिक्षक छिरिङ लोप्साङले डिफेन्डर आसिफलाई रिलिज गरेको खेलपाटीलाई बताए ।
'हामीले आफिसलाई रिलिज गरेका छौँ । उनको विकल्पमा अन्य दुई खेलाडी रहेका छन् । हामीलाई खासै कठिन हुनेछैन,' प्रशिक्षक लोप्साङले भने ।
प्रशिक्षक लोप्साङले आफिसको स्थान देवेन्द्र तामाङ र साहिद अजिजले लिने समेत बताए ।
क्लबले रिलिज गरेसंगै आफिस बुधबार हुने मिनेर्वा पन्जाबविरुद्धको खेलमा उपलब्ध हुने छैन् । मनाङले दोस्रो होम खेलको रुपमा एन्फा कम्प्लेक्स सातदोबाटोमा मिनर्वासंग खेल्नेछ ।
