एजेन्सी । इन्ग्लिश प्रिमियर लिगको अन्तिम खेलमा चेल्सीले लेष्टर सिटीसंग बराबरी खेल्दै अंक बाडेको छ । आइतबार भएको खेलमा चेल्सीले लेष्टरसंग गोलरहित बराबरी खेलेको हो ।
लेष्टरको मैदानमा पाएको मौका गुमाउँदा चेल्सीले अंक बाडेको हो । लेष्टरसंगको बराबरीसंगै चेल्सीले तेस्रो स्थानमा रहदै लिग सकाएको छ ।
चेल्सीले ३८ खेलबाट ७२ अंक जोड्यो । नवौं स्थानमा रहेको लेष्टले ५२ अंक जोड्यो ।
यस्तै टोटनहमले एभर्टनसंग २-२ गोलको बराबरी खेलेको छ । टोटनहमका लागि इरिक डायर र क्रिस्टियन एरिक्सनले एक एक गोल गरे । एभर्टनका थियो वाल्कोट र सेङ्क टुसनले एक एक गोल गरे ।
यो बराबरीसंगै टोटनहम यस सिजन लिगको चौंथो स्थानमा रहन सफल भयो । टोटनहमले ३८ खेलबाट ७१ अंक जोड्यो ।
लिग अन्तर्गत नै आर्सनलले बर्नलीलाई ३-१ गोल अन्तरले पराजित गरेको छ । आर्सनलको जितमा पेरिक एम्रिक आबुमियाङले दुई गोल गर्दा इडिलेले एक गोल गरे । बर्नलीका एस्ले बर्नेसले एक गोल फर्काए ।
जितसंगै आर्सनल लिगको पाँचौ स्थानमा रह्यो । आर्सनलले ३८ खेलबाट ७० अंक जोड्यो ।
लिग अन्तर्गत अन्तिम खेलमा म्यानचेस्टर युनाईटेड भने पराजित भएको छ । युनाईटेड कार्डिफसंग २-० गोल अन्तरले पराजित भएको हो । कार्डिफका लागि मेन्डेजले दुई गोल गरे ।
अन्तिम खेलमा पराजित भएसंगै युनाईटेड लिगको छैटौं स्थानमा रह्यो । युनाईटेडले ६६ अक जोड्यो ।
