एजेन्सी । इन्ग्लिश क्लब म्यानचेस्टर सिटीका प्रशिक्षक पेप गार्डिओलाले प्रिमियर लिगमा अर्काे सिजन अझै उत्कृष्ट प्रदर्शन गर्ने बताएका छन् ।
यस सिजन प्रिमियर लिगको उपाधि नजिक रहेको बेला सिटीका प्रशिक्षक गार्डिओलाले आगामी सिजन टिमले थप सुधार गर्ने बताएका हुन् ।
‘म विश्वस्त छु । अर्काे सिजन हामी बलियो टिम बन्नेछौ । हामी उत्कृष्ट बन्नेछौ,’ प्रशिक्षक गार्डिओलाले भने ।
प्रशिक्षक गार्डिओलाले अर्को सिजन सुधार गर्नुपर्ने कुराहरु आफुले नियालिरहेको समेत बताए ।
'यो सिजनमा हामीले थाहा पायौ के चाँडै गर्नुपर्छ । हामीले हाम्रो ढाँचाहरु धेरै परिवर्तन गर्दैनौ', प्रशिक्षक गार्डिओलाले थपे, 'हाम्रो बाटो भनेको हामी खेल्न चाहन्छौ जसले गर्दा हामीलाई सहज होस् । र, हामीले कसरी उपाधि रक्षा गर्न सक्छौं ।'
सिटीले गत सिजन पनि प्रिमियर लिगको उपाधि जितेको थियो । यस सिजनको उपाधि जित्दै सिटी लगातार दोस्रो सिजन उपाधि जित्ने होडमा रहेको छ ।
सिजनको अन्तिम खेलमा सिटीले आइतबार ब्राइटनसंग खेल्नेछ । उक्त खेल जिते सिटीले लिभरपुललाई पछि पार्दै उपाधि जित्नेछ ।
प्रशिक्षक गार्डिओलाले यस सिजनको उपाधि आफ्नो टोलीले जित्ने दाबी समेत गरे ।
-1735037168.JPG)
