एजेन्सी । जर्मन बुन्डेस लिगा फुटबलमा बोरुसिया डर्टमण्डले जित निकालेको छ । शनिबार भएको खेलमा डर्टमण्डले १० खेलाडीमा सिमित फोर्चुना डुसेलड्रोफलाई ३-२ गोल अन्तरले पराजित गर्यो ।
घरेलु मैदानमा डर्टमण्डलाई जित दिलाउन क्रिस्टियन पुलिसिच, थोमस डिलाने र मारियो गोट्जेले एक एक गोल गरे ।डुसेलड्रोफका ओलिभर फिन्क र डविडले एक एक गोल फर्काए । खेलको दोस्रो हाफमा एडमले रातो कार्ड पाउँदा डुसेलड्रोफ १० खेलाडीमा समेटिएको थियो ।
जितसंगै डर्टमण्डले पुलिसिचलाई घरेलु मैदानमा सुखद विदाई गरेको छ । पुलिसिच आगामी सिजन इन्ग्लिश क्लब चेल्सीबाट खेल्नेछन् । उनको यो डर्टमण्डका लागि अन्तिम होम गेम हो ।
खेलअघि क्लबले पुलिसिचलाई विशेष सम्मान दिएको थियो । उनले अन्तिम होम गेममा गोल समेत गरे ।
पुलिसिचलाई चेल्सीले गत जनवरीमा अनुबन्ध गरेको थियो । तर, पुलिसिच सिजनको अन्तिमसम्मका लागि डर्टमण्ड लोनमा आएका थिए ।
यो जितसंगै डर्टमण्डले ३३ खेलबाट ७३ अंक जोडेको छ । र, उपाधि होड कायम राखेको छ । डर्टमण्ड लिगको दोस्रो स्थानमा रहेको छ ।
-1735037168.JPG)
