काठमाडौँ । सन्दीप लामिछाने, ग्लोबल आईकन हुन नेपाली खेलकुदको ।
विश्वका चर्चित फ्रेन्चाईज लिगमा ब्यस्त सन्दीप अहिले ईन्डियन प्रिमियर लिग आईपीएलमा छन् ।
उनीको टिम हो, दिल्ली क्यापिटल्स ।
दिल्लीले यस सिजन टिमको नाम परिवर्तन ग¥यो, बदलिएको परिचयसंगै दिल्लीले गज्जवको नतिजा निकालेको छ ।
त्यसैले त दिल्ली पहिलो इलिमिनेटर राउण्डमा सनराईजर्स हैदराबादको चुनौती पार गर्दै क्वालिफायरमा छनोट भएको छ ।
अब दिल्ली एक ऐतिहासिक सफलताको नजिक छ । शुक्रबार चेन्नेईलाई पराजित गर्न सकेमा दिल्ली पहिलो पटक आईपीएलको फाइनलमा प्रवेश गर्नेछ ।
यो त भयो दिल्लीको कुरा ।
अब कुरा सन्दीपको ।
सन्दीपलाई दिल्लीले पहिलो सिजन २० लाखको भाउ लगायो ।
एउटा रोचक टिप्पणी त्यो समय चल्यो, ‘दिल्लीले २० लाख सन्दीपलाई खर्चिएर ३ करोड नेपालीको समर्थन किन्यो ।’
पहिलो सिजनमा सन्दीपले सुरुमा मौकै पाएनन् । तर प्रतियोगिताबाट बाहिरिने अवस्थामा उसले सन्दीपलाई मैदान उतार्यो ।
सन्दीपले समेत दिल्लीको दिल राख्न कुनै कसर बाँकी राखेनन् । उनले प्रतिभाबाट प्रभावित भएर दिल्लीले दोस्रो सिजन समेत सन्दीपको नाममा रिटेन ग¥यो ।
पहिलो सिजन अन्तिमका तीन खेलमा मात्र मौका पाएका सन्दीपले उत्कृष्ट बलिङ गर्दै ५ विकेट चट्काएका थिए ।
सो प्रदर्शनबाट सारा विश्व क्रिकेट जगत मोहित बन्यो ।
त्यसैको बलमा उनले विश्वका चर्चित र महङ्गा फ्रेन्चाइज लिगमा आफ्नो खेल देखाउने मौका थिए । उनी एक बर्षमा धेरै फ्रेन्चाइज खेल्ने पहिलो खेलाडी बने ।
दोस्रो सिजन दिल्लीमा आबद्व सन्दीपबाट टिमले धेरै आश गरेको थियो । विश्व प्रशिद्व लेग स्पिनरबाट धेरै विकेट झार्ने दिल्लीको सपना थियो ।
उनले दिल्लीले सुरुवात दुई खेल छाडेर निरन्तर चार खेलमा मैदान उतार्यो ।
उनी केही महङ्गो सावित हुन पुगे ।
तर ४ खेलमा ५ विकेट हात पार्दै उनले टी ट्वान्टी क्रिकेटमा ५० विकेटको खुड्किलो पार गर्न सफल रहे ।
दिल्लीको खेलमा फिक्का देखिएका उनले पुन ३ खेलपछि प्लेईङ सेटमा पर्न सफल भए । पञ्चावविरुद्व तीन विकेटको जित निकाल्दा उनी स्टाइलिस्ट खेलाडी समेत घोषित भए ।
पुन एक खेलपछि मौका पाउँदा उनी विकेट विहिन रहे । उनले पुरै ओभर बलिङ गर्न समेत पाएनन् ।
दोस्रो संस्करणको आईपीएललाई नियाल्दा सन्दीप मैदानमा निकै संघर्षरत देखिन्छन् ।
सन्दीपको स्थानमा खेलाईएका भारतीय अनुभवी स्पिनर अमित मिश्रले पनि खासै ठुलो योगदान दिन सकेका छैनन् । उनले १० खेलमा ६ दशमलब ९१ को इकोनोमीमा मात्र १० विकेट हात पारेका छन् ।
यस्तै अफगानिस्तानका स्टार स्पिनर राशिद खान र मुजिब उर रहमानको पनि खासै लोभलाग्दो प्रदर्शन गरेका छैनन् ।
राशिदले १५ खेलमा १७ विकेट तथा मुजिबले ५ खेलमा मात्र ३ विकेट हात पारेका छन् । राशिदलाई उनको अल राउण्ड प्रदर्शनका कारण हैदराबादले नियमित खेलाडीको रुपमा राखेको छ भने मुजिबलाई पन्जाबले बिश्राम दिन उत्तम ठानेको हो ।
नेपाली स्टार सन्दीपको कुरा गर्दा उनले ६ खेलमा ८ विकेट हात पारेका छन् ।
उनी नियमित खेलमा नपर्नुको कारण भने उनले खर्चेको रन हो ।
बिभिन्न फ्रेन्चाइज टी ट्वान्टी लिगमा कम इकोनमिका कारण सबैलाई चकित पार्दै आएका सन्दीप आईपीएलमा भने महँङ्गा साबित भएका छन् ।
उनले आईपीएलमा प्रर्दशन ९ दशमलब १३ को इकोनोमीमा रहेको छ । अर्थात हरेक ओभरमा उनले करिब १० को हाराहारीमा रन दिएका छन्, जुन टी–ट्वान्टी खेलमा औसत भन्दा केहि माथि हो । सन्दीपलाई दिल्लीले नियमित बेञ्चमा राख्नुको कारण यही हो ।
स्पिनरतर्फ सर्वाधिक सफल खेलाडी यस सिजनमा चेन्नईका इमरान ताहिर छन् । उनले १५ खेलमा २३ विकेट हात पारेका छन् । उनले ६ दशमलब ६२ इकोनोमीमा बलिङ गर्दै सर्वाधिक विकेट लिने खेलाडीको दोस्रो स्थानमा उभ्याएका छन् ।
आईपीएल विश्व क्रिकेटको त्यस्तो मञ्च हो, जहाँ समकालिन क्रिकेटका उत्कृष्ट खेलाडीले आफुलाई प्रमाणित गर्ने कोशिश गर्छन् ।
हरेक टिमसंग कुनै पनि खेलाडीलाई नजिकबाट नियाल्न सक्ने प्रविधि तथा छुटै कमिटि हुन्छ, जसले बिपक्षीको कमजोरी र बलियो पक्ष नियाल्ने गर्छ ।
त्यसैले हरेक खेल अघि खेलाडी पुर्ण रुपमा तयारीका साथ मैदान प्रवेश गर्छन ।
हरेक खेलमा खेलाडीले आफ्नो शैलीमा फरकपन ल्याउन जरुरी हुन्छ । चाहे त्यो बलर होस् वा ब्याट्सम्यान ।
सन्दीपले पनि खेल्ने शैलीमा फरकपन नल्याउने हो भने उनी निरन्तर बेन्चमा रहने जोखिम बढ्दो छ ।
सन्दीपले आफ्नो बलिङ मात्र नभएर ब्याटिङमा पनि सुधार गरेर अल राउण्ड प्रदर्शन गर्न सक्छन्, राशिद खान त्यसका उदाहरण हुन् ।
मिडियासंगको भेटमा सन्दीपले बलिङमा भेरियसन ल्याउन जरुरी रहेको बताउँदै आएका छन् । क्रिकेट धेरै प्रतिस्पर्धात्मक भएको छ, एकै ओभरमा खेलाडीको कमिकमजोर छुट्याउन सकिन्छ ।
जसले समय र खेल अवस्था अनुसार आफुलाई ढाल्न सक्छ, उसले मात्र आफुलाई मैदानमा प्रमाणित गर्न सक्छ ।
सन्दिपले केहि समय अघि यस सिजन ७-८ खेल खेल्ने मौका पाए अर्को सिजन नियमित रुपमा टिममा पर्ने बताएका थिए । तर सन्दीपले यस सिजनका बाँकी खेलमा मौका पाउन निकै कठिन देखिन्छ ।
-1736344782.jpeg)
