काठमाडौं । भारतीय महिला लिग फुटबलको दोस्रो खेलमा समेत नेपाली राष्ट्रिय फुटबल टिमकी फरवार्ड सावित्रा भण्डारीले गोल गरेकी छिन् ।
उनकै गोलको सहयोगमा सेथु फुटबल क्लबले बेङ्गरुलु युनाईटेडविरुद्व पहिलो हाफको खेल सकिदाँ २–० को अग्रता लिएको छ ।
उनले खेलको ११ औ मिनेटमा गोल गर्दै टोलीलाई अग्रता दिलाएकी थिईन् ।
पहिलो खेलमा प्रभावशाली प्रर्दशन गरेकी उनलाई क्लबले पहिलो रोजाइमा मैदान उतारेको थियो । खेलको ४१ औ मिनेटमा सन्ध्याले गोल गर्दै टोलीको अग्रता दोब्बर पारिन् ।
पहिलो खेलमा ह्याट्रिक सहित चार गोल गरेकी सावित्रा वुमन अफ दी म्याच घोषित भएकी थिईन् ।
लिगको पहिलो खेलमा सावित्राको टिम सेथुले मनिपुर स्पोट्स क्लबलाई ६–४ गोल अन्तरले हराएको थियो ।
