एजेन्सी । पाकिस्तानबिरुद्दको एक मात्र टी ट्वान्टी खेलमा इङल्याण्ड बिजयी भएको छ । आइतबार राति भएको खेलमा पाकिस्तानलाई घरेलु टोली इङल्याण्डले ७ विकेटले पराजित गरेको हो ।
१ सय ७४ रनको लक्ष्य पछ्याएको इङल्याण्डले ४ बल बाँकी रहँदा ३ विकेट गुमाएर लक्ष्य पुरा गर्यो ।
कप्तान इयान मोर्गेनले सर्वाधिक ५७ रन बनाएको ईनिङ्समा जाेए रुटले ४७ तथा जेम्स भिन्सले ३६ रनको योगदान गरे ।
पाकिस्तानका इमाद वासिम, शाहीम शाह अफ्रिदी र हसन अलीले समान १-१ विकेट चट्काए ।
यसअघि टस हारेर पहिले ब्याटिङ गरेको पाकिस्तानले ६ विकेटको क्षतीमा १ सय ७३ रन बनाएको थियो ।
बाबर आजमले ६५ रन बनाएको खेलमा हरिस सोहिलले ५० रन बनाएका थिए ।
इङल्याण्डका जोफ्रा आर्चरले २ तथा तम करन र क्रिस जोर्डनले समान १-१ विकेट हात पारे ।
विश्वकपको तयारी स्वरुप मैत्रिपुर्ण म्याच खेलिएको हो । विश्वकप क्रिकेट मे ३० देखि इङ्ल्याण्डमा सुरु हुदैछ । पहिलो खेलमा इङ्ल्याण्डले दक्षिण अफ्रिका तथा पाकिस्तानले वेष्ट इण्डिजसंग खेल्ने तालिका तय छ ।
-1736344782.jpeg)
