काठमाडौं । राष्ट्रिय महिला फुटबल टिमकी सर्वाधिक गोलकर्ता अनु लामाले फुटबल करियरबाट सन्यासको घोषणा गरेकी छिन् ।
अखिल नेपाल फुटबल संघ एन्फाबाट फुटबलमा बिशेष योगदान गर्ने महिला खेलाडीको पुरस्कार ग्रहण गरेकी अनुले राष्ट्रिय फुटबल टिमबाट सन्यासको घोषणा गरेकी हुन् ।
यसै बर्ष नेपालमा सम्पन्न भएको महिला साफ खेलेर फुटबलबाट सन्यास लिने योजना अनुको रहेको थियो । तर अन्तिम समयमा टोलीमा समावेश नभएपछि उनी खेल जिवन छाड्ने योजनामा थिईन् ।
एन्फाले जेठ २२ लाई एन्फा दिवसका रुपमा मनाउँदै विभिन्न ११ विधामा अवार्ड वितरण गरेको थियो । अनुले समेत नेपाली फुटबलमा बिशेष योगदान गरेको भन्दै एन्फाले १५ लाख रुपैयाँ राशी सहित सम्मान गरेको थियो ।
राष्ट्रिय टोलीबाट २४ क्याप जितेकी अनुले सर्वाधिक ३५ गोल गरेकी छिन् ।
-1734966939.jpeg)
