सिन्धुपाल्चोक । गोर्खा ब्वाइज क्लब रुपन्देही नेपाल आइस चौथौ सिन्धु कप फुटबल प्रतियोगिताको सेमिफाइलनमा प्रवेश गरेको छ । ए डिभिजन क्लब फ्रेन्ड्सलाई पराजित गर्दै रुपन्देही क्लब अन्तिम ४ मा प्रवेश गरेको हो ।
सिन्धुपाल्चोक लामोसाँघुमा भएको खेलमा गोर्खा ब्वाइज क्लबले फ्रेन्ड्स क्लबलाई पेनाल्टी सुट आउटमा ३–० गोल अन्तरले पराजित गर्याे ।
निर्धारित समयको खेल गोल रहित बराबरीमा सकिएपछि निर्णय सिधै पेनाल्टी सुटआउटमा गरिएको हो ।
पेनाल्टी सुटआउटमा रुपन्देहीका गोलरक्षक दिलिप छेत्रिलेले उत्कृष्ट प्रदर्शन गरे । उनले फ्रेन्ड्सको एक पेनाल्टी रोके भने एक गोल समेत गरे ।
रुपन्देहीका रुपेश के सी, उत्तम गुरुङ र दिलिप क्षेत्रीले गोल गरे । फ्रेन्ड्सका फोफाना, संजोक महर्जन र विकास आलेकोे गोल गर्न सकेनन् । फोफानाको प्रहार दिलिप क्षेत्रीले रोकेका थिए । खेलको म्यान अफ दि म्याच रुपन्देहीका गोलरक्षक दिलिपनै भए । उनले ५ हजार नगद प्राप्त गरे ।
प्रतियोगिताको चौथो क्वाटरफाइनल खेलमा भोली सोमबार विभागीय एपीएफ र जिरी स्पोर्टस् क्लब दोलखाबीच प्रतिस्पर्धा हुनेछ ।
-1734966939.jpeg)
