एजेन्सी । प्रिमियर लिग फुटबलमा आज (आईतबार) राति तीन खेल हुदैछ । शीर्ष चार भित्र रहँदै अर्को सिजन च्याम्पियन्स लिगका स्थान बनाउन आज राति हुने तीन खेल महत्वपुर्ण छ ।
चेल्सीले घरेलु मैदानमा वार्टफोर्डलाई आतिथ्यता प्रदान गर्दा म्यानचेष्टर युनाईटेड भने हुडर्सफिल्डको भ्रमणमा निस्कनेछ । अर्को लण्डन क्लब आर्सनलले ईमिरेट्स स्टेडियममा बिङ्गटोनलाई आतिथ्यता प्रदान गर्नेछ ।
चौथो स्थानमा रहेको चेल्सी, पाँचौ स्थानमा रहेको आर्सनल र छैटौ स्थानमा रहेको म्यानचेष्टर युनाईटेड च्याम्पियन्स लिग छनोटको दौडमा रहेका छन् ।
चौथो स्थानको चेल्सीको ६८ अंक छ । सहरी प्रतिद्वन्दीभन्दा दुई अंकले पछाडी परेको आर्सनल ६६ अंक सहित पाँचौ स्थानमा छ । लण्डन क्लब भन्दा एक अंकले पछाडी रहेको म्यान युनाईटेड ६५ अंक सहित छैटौ स्थानमा छ ।
पहिलो खेलमा साँझ पौने ७ बजे चेल्सी र वार्टफोर्ड भिड्नेछन् । युरोपा लिगमा बैकल्पिक खेलाडीको रुपमा प्रयोग भएका चेल्सी स्टार इडेन हजार्ड महत्वपुर्ण खेलमा सुरुवाती सेटमा मैदानमा देखिन सक्नेछन् ।
रुविन लोफट्स चेक मैदान र्फकन तयार छन् । तर ग्यारी काहीलको बिषयमा अन्तिम समयमा मात्र निर्णय लिईनेछ ।
चेल्सीविरुद्वको खेलमा वाटफोर्ड कप्तान तथा सर्वाधिक गोलकर्ता ट्राय डेनी देखिनेछन् । उनी लामो समयको निलम्बनपछि मैदान फर्कन लागेका हुन् ।
-1734966939.jpeg)
