धनगढी । धनगढी उपमहानगरपालिकाको आयोजनामा वडा नम्बर १२ मा जारी मेयर कप फुटवल प्रतियोगिता अन्तर्गत वडा नम्बर ५ ले फराकिलो जित हात पारेको छ ।
शनिबार भएको खेलमा वडा नम्बर ५ ले वडा नम्बर १७ लाई ११–० को फराकिलो अन्तरले हराएको हो । वडा नम्बर ५ को सानदार जितमा अरवीन चौधरी र सन्तोष चौधरीले ३/३ गोल गरे । त्यसैगरी सुसिल पाण्डेयले दुई सन्दिप कुवर र वुद्धिमान श्रेष्ठले एक एक गोल गरे ।
यस्तै वडा नम्बर १९ ले पेनाल्टी मार्फत जित हात पारेको छ । निर्धारित समयसम्म वडा नम्बर ६ ले १-१ को बराबरी खेलेपछि पेनाल्टी मार्फत खेलको निर्णय गरिएको थियो । पेनाल्टीमा वडा नम्बर १९ ले वडा नम्बर ६ लाई ४–२ ले किनारा लगाएको हो ।
नकआउट आधारमा सञ्चालन भईरहेको प्रतियोगितामा धनगढी उपमहानगरपालिका १९ वटै वडाका टीमहरुले सहभागीता जनाएका छन् । प्रतियोगिताको विजेतालाई एक लाख एक हजार र उपविजेतालाई ५१ हजार नगद पुरस्कार दिईनेछ ।
-1734966939.jpeg)
