एजेन्सी । इन्ग्लिश प्रिमियर लिग फुटबलमा टोटेनहम पराजित भएको छ । शनिबार भएको खेलमा ९ खेलाडीमा सिमित टोटेनहम बर्नेमाउथसंग १-० गोल अन्तरले पराजित भएको हो ।
घरेलु टोली बर्नेमाउथलाई जित दिलाउन नाथन एकेले निर्णायक गोल गरे । खेलको इन्जुरी समयमा नाथनले हेड गोल गर्दै बर्नेमाउथलाई जित दिलाए ।
घरेलु टोलीविरुद्ध टोटेनहम ९ खेलाडीमा समेटिएको थियो । खेलको ४३ औं मिनेटमा सन ह्युङ मिनले रातो कार्ड पाउँदा टोटेनहम पहिलो हाफमै १० खेलाडीमा समेटिएको थियो ।
त्यसपछि खेलको ४८ औं मिनेटमा जुवान फोथले रातो कार्ड पाउँदा टोटेनहम ९ खेलाडीमा समेटियो । जसको कारण टोटेनहम खेलमा फर्कन सकेन ।
यस्तै खेलमा टोटेनहमका केहि उत्कृष्ट प्रहार बर्नेमाउथका १९ बर्षीय डेब्यु गोलकिपर मार्क ट्राभर्सले बचाएका थिए ।
यो हारसंगै टोटेनहमले ३७ खेलबाट ७० अंक जोडेको छ । टोटेनहम तेस्रो स्थानमा रहेको छ । ४५ अंक जोडेको बर्नेमाउथ १२ औं स्थानमा उक्लिएको छ ।
-1734966939.jpeg)
