काठमाडौं । होप फाउन्डेसनले दोस्रो संस्करणको मदन भन्डारी बुढानीलकण्ठ फुटबल कप सभेन ‘ए’ साइड फुटबल प्रतियोगितामा विजयी सुरुवात गरेको छ ।
बुढानिलकण्ठ नगरपालिकाको कपनस्थित ह्यान्डबल मैदानमा आइतबार भएको खेलमा पैयुटार युथ क्लबलाई ४ - १ ले हराउदै होपले विजयी सुरुवात गरेको हो । होपको जितमा नरेश दुलालले ह्याट्रिक गरे । यस्तै जितु बस्नेतले एक गोल गरे । पैयुटारका प्रविन मगरले एक गोल फर्काए ।
प्रतियोगिता अन्तर्गत नै बुढानिलकण्ठ युथ क्लबले प्रगतिशील युवा क्लबलाई २ - ० ले पराजित गरेको छ । अन्य खेलमा ढुकु फूटसल हबले गंगटा युथ क्लबलाई ३-१ ले हराउदा पाईरेट्स एफसीले कालोपुल गाइजलाई पेनाल्टी सुटआउटमा ५-४ ले हराएको छ ।
