काठमाडौं । अखिल नेपाल फुटबल संघ एन्फाले आवसीय एकेडेमीका लागि यू–१६ का खेलाडी छनोट गरेको छ ।
बुधबार सूचना सार्वजनिक गर्दै एन्फाले एकेडेमीमा रहने यू–१६ का ५२ खेलाडीको प्रारम्भिक छनोट गरेको हो ।
छनोटमा परेका खेलाडीले स्वास्थ्य परिक्षण पार गर्नुपर्नेछ ।
स्वास्थ्य परिक्षण पास भएका खेलाडीलाई समावेश गर्दै एन्फाले एकेडेमीमा भर्ना लिनेछ ।
एन्फाका अनुसार छनोट भएका खेलाडीलाई बुटवल र धरानको टेक्निल सेन्टरमा राखिनेछ ।
