क्रिकेटरलाई सरकारको नगदी सम्मान

गृहपृष्ठ
क्रिकेट

बिहीबार, वैशाख १९, २०७६ खेलपाटी संवाददाता

काठमाडौं । संयुक्त अरब इमिरेट्स (युएई) विरुद्धको ऐतिहासिक एकदिवसीय र टी-ट्वान्टी अन्तराष्ट्रिय क्रिकेट सिरिज जितेको नेपाली राष्ट्रिय क्रिकेट टोली नगदसहित सम्मानित भएका छन् ।

ऐतिहासिक सिरिज विजेता १६ सदस्सीय नेपाली टोलीलाई बिहिबार सरकारले जनही ५/५ लाख नगदसहित सम्मानित गरेको हो । युवा तथा खेलकुद मन्त्रालयमा आयोजित कार्यक्रममा खेलकुद मन्त्री जगत बहादुर विश्वकर्मा, राष्ट्रिय खेलकुद परिषद (राखेप) का सदस्यसचिव केशव कुमार बिष्टले खेलाडीलाई नगदसहित सम्मानित गरे ।

सरकारले प्रशिक्षकलाई ३ लाख, ब्याटिङ प्रशिक्षक, फिजियो, ट्रेनर र टिम म्यानेजरलाई भने जनही २/२ लाखले सम्मानित गरेको छ ।

नेपालले गत माघमा युएईविरुद्धको तीन एकदिवसीय र टी-ट्वान्टी सिरिज जितेको थियो । जुन अन्तराष्ट्रिय क्रिकेट परिषद आईसीसीबाट एकदिवसीय मान्यता पाएपछि नेपालको पहिलो एकदिवसीय र टी-ट्वान्टी सिरिजको उपाधि रहेको थियो ।

सिरिज जितेपछि सरकारले गत फागुनमा क्रिकेटरलाई नगदसहित सम्मान गर्ने निर्णय गरेको थियो । जसअनुसार मन्त्रालयले बिहिबार नगद प्रदान गरेको हो ।

सरकारबाट पुरस्कृत भएपछि बोल्दै नेपाली टोलीका कप्तान पारस खड्काले सरकारले क्रिकेट विवाद समाधान गर्नु पर्ने बताए ।

नेपाली टोली :

पारस खड्का (कप्तान)

ज्ञानेन्द्र मल्ल (उपकप्तान)

अविनाश बोहरा

बसन्त रेग्मी

भिम सार्की

बिनोद भण्डारी

दिपेन्द्र सिंह ऐरी

करण केसी

ललित नारायण राजवंशी