एजेन्सी । लियोनल मेस्सीले बार्सिलोनाको जर्सीमा ६ सय गोल पुरा गरेका छन् ।
बुधबार राति लिभरपुललाई हराउने क्रममा दुई गोल गरेका मेस्सीले क्लब फुटबलमा ६ सयको कोशेढुङ्गा पार गरेका हुन् ।
अर्जेन्टिनी सुपर स्टार मेस्सीले घरेलु मैदान नाउ क्यापमा उत्कृष्ट फ्रिकिकमा गोल गर्दै सो नतिजा आत्मसाथ गरे ।
यसै सिजनमा मात्र उनले सिधै फ्रिकिकमा ८ गोल गरेका छन् । मेस्सीले १४ बर्ष अगाडी मे १ मै पहिलो गोल गरेका थिए ।
मेस्सीले भर्खरै मात्र क्रिस्टियानो रोनाल्डोले पार गरेको ६ सय गोलको कीर्तिमानमा आफ्नो नाम लेखाएका छन् ।
रोनाल्डोले सिरि एमा इन्टर मिलानविरुद्व शनिबार भएको खेलमा ६ सय गोल पुरा गरेका थिए ।
रोनाल्डोलाई ६ सय गोल पुरा गर्न विभिन्न चार क्लबबाट ८ सय १ खेल खेलेका थिए ।
तर मेस्सीले बार्सिलोनाबाट मात्र ६ सय ८३ खेलमा सो गोल संख्या पार गरेका हुन् ।
मेस्सीले यसै सिजनमात्र ५३ खेलमा ५० गोल गरेका छन् ।
