एजेन्सी । नेपाली राष्ट्रिय टोलीका मिडफिल्डर रोहित चन्द रहेको पर्सिजा जकार्ता एएफसी कप फुटबलको पाँचौं खेलमा पराजित भएको छ ।
बुधबार भएको खेलमा जकार्ता भियतनामको बेकेमेक्स बिंह डुओङसंग ३-१ गोल अन्तरले पराजित भएको हो ।
डुओङलाई जित दिलाउन एनग्युएन डुक, तो भान भू र वान्डर लुइज डियासले एक एक गोल गरे । जकार्ताका ब्रुनो माटोसले एक गोल फर्काए ।
समूह 'जी' मा रहेको जकार्ताले ५ खेलबाट ४ अंक जोडेको छ । जकार्ता समूहको तेस्रो स्थानमा छ ।
डुओङ १० अंक जोडेर दोस्रो स्थानमा छ ।
डुओङविरुद्धको खेलमा जकार्ताले रोहितलाई मैदान उतारेको थियो ।
