एजेन्सी । इंग्ल्यान्डका ओपनर ब्याट्सम्यान एलेक्स हेल्सले घरेलु मैदानमा अयोजना हुने आईसीसी एकदिवसीय विश्वकप क्रिकेट नखेल्ने भएका छन् ।
व्यक्तिगत कारण देखाउँदै एलेक्सले विश्वकप टोलीबाट नाम फिर्ता लिएका छन् । इंग्ल्यान्ड र वेल्स क्रिकेट बोर्डले एलेक्सलाई विश्वकप टोलीबाट हटाईएको पुष्टि गरेको छ ।
इंग्ल्यान्डले सार्वजनिक गरेको विश्वकप खेल्ने १५ सदसीय टोलीमा एलेक्स परेका थिए ।
पछिल्लो समय एलेक्स प्रतिबन्धित औषधि प्रयोग गरेको कारण विवादित बन्दै आएका थिए । यसअघि इंग्ल्यान्डले उनलाई २१ दिनको प्रतिबन्ध गरेको थियो ।
इंग्ल्यान्ड र वेल्समा आयोजना हुने विश्वकप आगामी मे ३० बाट सुरु हुनेछ ।
-(1)-1736156467.jpeg)
-1736152112.jpg)
