काठमाडौं । महेन्द्रनगर क्रिकेट एकेडेमीले सुर्खेतमा जारि वाईवाई कर्णाली प्रिमियर लिग क्रिकेटमा पहिलो जित निकालेको छ ।
सोमबार भएको खेलमा महेन्द्रनगरले हिमालयन क्रिकेट एकेडेमीलाई ५ रनले पराजित गर्यो ।
सुर्खेतस्थित कालिन्चोक क्रिकेट मैदानमा महेन्द्रनगरले दिएको १५२ रनको लक्ष्य पछाएको हिमालयनले २० ओभरमा ७ विकेट गुमाएर १४६ रन मात्र बनाउन सक्यो ।
हिमालयनका पदम केसीले ५० रनको अर्धशतकीय इनिङ्स खेलेपनि टोलीलाई जित दिलाउन सकेनन् । यस्तै दिपेन्द्र ऐरीले अविजित २९ रन बनाए । महेन्द्रनगरका लागि बिक्रम ठगुन्ना र आकाश चन्दले २/२ विकेट हात पारे ।
टस जितेर पहिले ब्याटिङ गरेको महेन्द्रनगरले निर्धारित २० ओभरमा ५ विकेट गुमाएर १५१ रन बनाएको थियो । महेन्द्रनगरका लागि किरन ठगुन्नाले अविजित ४१ रन बनाए । यस्तै दिनेश आग्रीले ३३ रन जोडे । हिमालयनका शरद खड्काले २ विकेट लिए ।
जितसंगै २ खेलबाट महेन्द्रनगरले १ जित र १ हारसहित २ अंक जोडेको छ । दुवै खेल गुमाएको हिमालयन अंकबिहिन रहेको छ ।
-(1)-1736156467.jpeg)
-1736152112.jpg)
