एजेन्सी । इटालियन सिरी ए फुटबलमा एसी मिलान पराजित भएको छ। आइतबार राति भएको खेलमा मिलान टोरिनोसंग २-० गोल अन्तरले पराजित भएको हो ।
घरेलु मैदानमा टोरिनोलाई जित दिलाउन आन्द्रिया बेलोट्टी र एलेक्स बेलेङ्गुएरले एक एक गोल गरे । यस्तै खेलको दोस्रो हाफमा एलेस्सियोले रातो कार्ड प्राप्त गर्दा मिलान १० खेलाडीमा समेटिएको थियो ।
टोरिनोसंगको हारसंगै मिलानको शीर्ष चारमा रहदै च्याम्पियन्स लिगमा छनोट हुने सम्भावना कमजोर भएको छ । सातौं स्थानको मिलानको ५६ अंक छ ।
टोरिनो ५६ अंकसहित छैटौं स्थानमा छ ।
