एजेन्सी । इन्ग्लिश प्रिमियर लिग फुटबलमा म्यानचेस्टर युनाईटेड र चेल्सीले बराबरी खेल्दै अंक बाडेका छन् । आइतबार भएको खेलमा युनाईटेड र चेल्सीले १-१ गोलको बराबरी खेल्दै अंक बाडेका हुन् ।
घरेलु मैदान ओल्ड ट्राफोर्डमा सुरुवाती अग्रता जोगाउन नसक्दा युनाईटेडले चेल्सीसंग बराबरी खेलेको हो । खेलको ११ औं मिनेटमा हुवान माटाले गोल गर्दै युनाईटेडलाई अग्रता दिलाएका थिए । तर, खेलको ४३ औं मिनेटमा मार्कुस अलन्सोले गोल गर्दै चेल्सीलाई खेलमा फर्काए ।
पहिलो हाफ १-१ गोलको बराबरीमा सकिएको खेलको दोस्रो हाफमा दुवै टोलीले गोल गर्न सकेनन् र खेल १-१ गोलको बराबरीमा सकियो ।
बराबरीसंगै चौंथो स्थानको चेल्सीले ३६ खेलबाट ६८ अंक जोडेको छ । युनाईटेड ६५ अंक जोडेर छैटौं स्थानमा रहेको छ ।
