एजेन्सी । ईङ्लिस क्लब नर्विच सिटी र सेफिल्ड प्रिमियर लिगमा बढुवा भएका छन् । शनिबार राति भएको खेलमा ब्ल्याकवर्न रोभरलाई हराउँदै नर्विचले प्रिमियर लिगमा पुनरागमन गर्ने पक्का गरेको हो ।
घरेलु मैदानमा भएको खेलमा नर्विचले २–१ को जित हासिल ग¥यो । नर्विचलाई शीर्ष डिभिजनमा बढुवा हुन मात्र एक अंक आवश्यक थियो ।
सुरुवाती २३ मिनेट भित्र दुई गोल गर्दै नर्विचले यस सिजन शीर्ष डिभिजनको लिगमा उक्लिन सफल रह्यो । नर्विचको जितमा मार्को स्टेपरम्यान र मारियो भ्रान्सिसले एक एक गोल गरे ।
नर्विचनको ४५ खेलबाट ९१ अंक रह्यो । सेफिल्डको ८८ अंक रह्यो ।
त्यसअघि सेफिल्डले इप्सविचलाई २–० गोल अन्तरले हराउँदै शीर्ष डिभिजनको लिगमा बढुवा भएको थियो । सेफिल्डको जितमा स्कट होगान र ज्याक ओकोनेलले एक एक गोल गरेका थिए । दुवै टोलीले लिगमा एक खेल खेल्न बाँकी छ ।
-1734919437.jpg)
-1734918317.jpg)
