एजेन्सी । क्रिस्टियानो रोनाल्डोले क्लब फुटबलमा ६ सय गोल पुरा गरेका छन् । सिरि एको पछिल्लो खेलमा युभेन्ट्सका लागि बराबरी गर्दै रोनाल्डोले सो उपलब्धी हासिल गरेका हुन् ।
उनकै गोलमा युभेन्ट्सले सिरि एको शनिबार राति भएको खेलमा ईन्टर मिलानसंग १–१ गोलको बराबरी खेल्दै अंक बाँडेको छ ।
रोनाल्डोले युभेन्ट्सका लागि यस सिजन २७ गोल गरेका छन् । उनले ५ गोल स्पोर्टिङ लिस्बोनबाट, १ सय १८ गोल म्यानचेष्टर युनाईटेडबाट र ४ सय ५० गोल रियल मड्रिडबाट गरेका छन् ।
घरेलु टोली इन्टर मिलानका लागि रादा निङ्गगोलनले २५ यार्ड टाढाबाट भली गोल गर्दै क्लबलाई अग्रता दिलाएका थिए ।
६२ औ मिनेटमा रोनाल्डोले गोल गर्दै खेल बराबरीमा ल्याएका थिए ।
युभेन्ट्सले यसअघिनै सिरि एको उपाधि उचालिसकेको छ । तर च्याम्पियन्स लिग छनोटको दौडमा रहेको इन्टर मिलानलाई पछिल्लो बराबरीले दबाब थपेको छ ।
युभेन्ट्सको ३४ खेलबाट ८८ अंक छ । इन्टर मिलानको ६२ अंक छ ।
-1734919437.jpg)
-1734918317.jpg)
