एजेन्सी । फ्रेन्च क्लब पेरिस सेन्ट जर्मेन (पीएसजी) का स्टार स्ट्राइकर नेयमारलाई युरोपियन फुटबलको सर्वोच्च निकाय युएईएफएले तीन खेलको प्रतिबन्ध गरेको छ ।
युएईएफएले शुक्रबार नेयमारलाई तीन युरोपियन खेलमा प्रतिबन्ध लगाएको हो । प्रतिबन्धसंगै नेयमारले आगामी सिजनको च्याम्पियन्स लिगमा समूह चरणका सुरुवाती तीन खेल गुमाउने छन् ।
च्याम्पियन्स लिग अन्तर्गत इन्ग्लिंश क्लब म्यानचेस्टर युनाइटेडविरुद्धको खेलमा रेफ्रीको निर्णयमा आपत्तिजनक प्रतिक्रिया दिएको कारण युएईएफएले नेयमारलाई प्रतिबन्ध गरेको हो ।
च्याम्पियन्स लिग अन्तर्गत अन्तिम १६ को दोस्रो लेगमा पीएसजी युनाइटेडसंग ३-१ ले पराजित हुँदै प्रतियोगिताबाट बाहिरिएको थियो ।
उक्त खेलमा युनाइटेडका मार्कुस राष्फोर्डले पेनाल्टीमा गोल गर्दै युनाइटेडलाई अन्तिम आठको यात्रा तय गराएका थिए । पीएसजीका किम्पेम्बेले ह्याण्डबल गरेपछि युनाइटेडले भीएआरको सहायताले पेनाल्टी पाएको थियो ।
युनाइटेडसंगको हारपछि बेञ्चमा रहेका नेयमारले सामाजिक संजालमा रेफ्रीको निर्णयमा असन्तुष्ट जनाउदै आपत्ति जनक प्रतिक्रिया लेखेका थिए । उक्त खेलमा चोटका कारण नेयमारले दर्शकको रुपमा खेल हेरेका थिए ।
नेयमारले इन्ष्टाग्राममा फुटबल नबुझेको रेफ्रीले ह्याण्डबल दिएको भन्दै आपत्ति जनक शब्द लेखेका थिए ।
-1734918317.jpg)
