काठमाडौं । नेपाली राष्ट्रिय क्रिकेट टिमलाई फिटनेश सेन्टर निर्वाणा वेलनेस सेन्टरले २ वर्षको लागि प्रायोजन गरेको छ ।
नेपाली राष्ट्रिय क्रिकेट टिम र निर्वाणा वेलनेस सेन्टरबीच शुक्रबार सम्झौता पत्रमा हस्ताक्षर भएको छ ।
नेपाली टिमका कप्तान पारस खड्का र निर्वाणा वेलनेस सेन्टरका सञ्चालन राजन शाहीले सम्झौता पत्रमा हस्ताक्षर गरेका छन् ।
सम्झौतासंगै सेन्टरले आगामी दुई बर्षसम्मको लागि नेपाली क्रिकेट टिमको आधिकारिक फिटनेश सेन्टरको रुपमा सेवा प्रदान गर्नेछ ।
एकै पटकमा ६० जनाले सेवालिन सक्ने क्षमता भएको र देशकै सबैभन्दा ठूलो फिटनेश सेन्टर निर्वाणा वेलनेश सेन्टरले चिकित्साजाँच तथा परामर्श सहित शारिरिक सुगठन तालिम लगायत विषेश किसिमको सेवा प्रदान गर्दै आईरहेको छ ।
सेन्टरमा जिमसंगै स्विमिङ लगायतका अन्य सुविधाहरु समेत रहेको छ ।
