एजेन्सी । ईङ्लिस प्रिमियर लिग फुटबलमा टोटेनहमले ब्रिङ्टोनलाई १–० गोल अन्तरले पराजित गरेको छ । मंगलबार राति घरेलु मैदानमा साँघुरो जित निकाल्दै टोटेनहमले अर्को सिजन च्याम्पियन्स लिगमा छनोट हुने आधार बलियो बनाएको छ ।
रेलिगेशन जोनबाट बच्न संघर्षरत ब्रिङटोनले टोटेनहमसंग अंक खोस्न निकै प्रयास गरेको थियो । तर पछिल्ला सात खेलमा गोल गर्न नसकेको उसले टोटेनहमविरुद्व समेत स्कोर निकाल्न सकेन ।
टोटेनहमको संघर्षपुर्ण जितमा खेल सकिन दुई मिनेट अघि इरिक्सनले गोल गरेका थिए ।
तेस्रो स्थानको टोटेनहमले चौथो स्थानको चेल्सीसंग ३ अंक र पाँचौ स्थानको आर्सनलसंग ५ अंकको अग्रता लिन सफल भएको छ ।
तालिकाको १७ औ स्थानमा रहेको ब्रिङ्टोन रेलिगेशन जोनमा रहेको कार्डिफ सिटी भन्दा तीन अंकले माथि छ ।
-1734879364.jpg)
-1734875597.jpg)
