एजेन्सी । नेपाली राष्ट्रिय टोलीका मिडफिल्डर रोहित चन्द रहेको पर्सिजा जकार्ता एएफसी कप फुटबलको चौंथो खेलमा पराजित भएको छ ।
मंगलबार भएको खेलमा जकार्ता फिलिपिन्सको सेरेस नेग्रोस एफसीसंग ३-२ गोल अन्तरले पराजित भएको हो ।
घरेलु मैदानमा सुरुवाती २ गोलको अग्रता जोगाउन नसक्दा जकार्ता पराजित भएको हो ।
जकार्ताका लागि सान्डी र ब्रुनो माटोसले एक एक गोल गरेका थिए । तर, नेग्रोसका मिगुएल टानटोन, बिनभेनिदो मारानोन र माइक ओट्टेले गोल गर्दै टोलीलाई जित दिलाए ।
समूह 'जी' मा रहेको जकार्ताले ४ खेलबाट ४ अंक जोडेको छ । जकार्ता समूहको तेस्रो स्थानमा छ ।
नेग्रोस भने १२ अंक जोडेर शीर्ष स्थानमा छ ।
नेग्रोसविरुद्धको खेलमा जकार्ताले रोहितलाई मैदान उतारेको थियो ।
-1734879364.jpg)
-1734875597.jpg)
