एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा अहिले नेपाली राष्ट्रिय टोलीका लेग स्पिनर सन्दीप लामिछाने रहेको दिल्ली क्यापिटल्स र राजस्थान रोयल्सबीच प्रतिस्पर्धा भईरहेको छ ।
राजस्थानको घरेलु मैदान जयपुरस्थित सवाई मानसिंह स्टेडियममा दिल्लीले टस जितेको छ र पहिले बलिङ रोजेको छ ।
तर, दिल्लीले राजस्थानविरुद्ध सन्दीपलाई प्लेईङ सेटमा राखेको छैन ।
यस अघि शनिबार पन्जाबविरुद्ध सन्दीपले उत्कृष्ट प्रदर्शन गरेका थिए । जसको कारण दिल्लीले ५ विकेटको जित थियो ।
सन्दीपले ५ खेलमा ८ विकेट हात पारिसकेका छन् ।
आज दिल्ली सातौं जित निकाल्ने लक्ष्यसहित मैदान उत्रने छ । तेस्रो स्थानको दिल्लीको १० खेलबाट १२ अंक रहेको छ । दिल्ली घरेलु टोलीलाई हराएर शीर्ष स्थानको चेन्नई सुपर किङ्ससंगको अंक बराबरी गर्न चाहन्छ । चेन्नईको १४ अंक रहेको छ ।
घरेलु मैदानमा राजस्थान चौंथो जितको खोजीमा हुनेछ । अघिल्ला ९ खेलमा ३ जित निकालेको राजस्थान ६ अंक जोडेर सातौं स्थानमा छ ।
-1735730225.jpeg)
