एजेन्सी । आईसीसी एकदिवसीय विश्वकप क्रिकेट खेल्ने अफगानिस्तान राष्ट्रिय टोलीको घोषणा भएको छ ।
अफगानिस्तानले सोमबार गुल्बदीन नाइबको कप्तानीमा १५ सदस्यीय टोलीको घोषणा गरेको हो ।
टोलीमा कप्तान गुल्बदीन नाइबसंगै मोहमद सहजाद, नुर अलि जड्रान, हजारउल्लाह जजाई, रहमत शाह, अश्घर अफ्गान, हस्मतुल्लाह शहिदि, नाजिबुल्ला जाद्रन, समिउल्ला सिनवारी, मोहमद नाबी, रशिद खान, दलत जाद्रन, अफ्ताब आलम, हामिद हसन र मुजिब उर रहमान रहेका छन् ।
इंग्ल्यान्ड र वेल्समा आयोजना हुने विश्वकप आगामी मे ३० बाट सुरु हुनेछ । गत बर्ष भएको विश्वकप छनोट प्रतियोगितामा वेष्ट इण्डिजलाई पराजित गर्दै अफगानिस्तानले विश्वकपमा आफ्नो स्थान सुरक्षित गरेको थियो ।
विश्वकपमा अफगानिस्तानको यो दोस्रो सहभागिता हुनेछ ।
-1735730225.jpeg)
