एजेन्सी । लिभरपुल इन्ग्लिश प्रिमियर लिग फुटबलको शीर्ष स्थानमा उक्लिएको छ । आइतबार भएको खेलमा कार्डिफ सिटीलाई २-० गोल अन्तरले पराजित गर्दै लिभरपुल शीर्ष स्थानमा फर्किएको हो ।
कार्डिफको मैदानमा लिभरपुललाई जित दिलाउन जर्जिनियो विजनाल्डम र जेम्स मिल्नरले एक एक गोल गरे ।
पहिलो हाफ गोलरहित बराबरीमा सकिएको खेलको ५६ औं मिनेटमा विजनाल्डमले गोल गर्दै लिभरपुललाई सुरुवाती अग्रता दिलाए । त्यसपछि खेलको ८१ औं मिनेटमा मिल्नरले पेनाल्टीमा गोल गर्दै लिभरपुलको जित सुनिश्चित गरे ।
जितसंगै शीर्ष स्थानको लिभरपुलले ३५ खेलबाट ८८ अंक जोडेको छ । र , लिभरपुल म्यानचेस्टर सिटीलाई २ अंकले पछि पार्दै शीर्ष स्थानमा उक्लिएको हो । सिटीको ८६ अंक छ ।
जितपछि लिभरपुलले उपाधि जित्ने संभावना कायम राखेको छ । पराजित कार्डिफ ३१ अंक जोडेर पुछार तेस्रो स्थानमा छ ।
-1734879364.jpg)
-1734875597.jpg)
