एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा रोयल च्यालेन्जर्स बैंगलोरले चेन्नई सुपर किङ्सलाई जितका लागि १६२ रनको लक्ष्य दिएको छ ।
बैंगलोरस्थित चिन्नास्वामी स्टेडियममा टस हारेर पहिले ब्याटिङ गरेको बैंगलोरले २० ओभर खेल्दै ७ विकेट गुमाएर १६१ रन बनायो ।
बैंगलोरका लागि पृथ्वी पटेलले ५३ रनको अर्धशतकीय इनिङ्स खेले । यस्तै मोइन अलिले २६, एबी डी भिलियर्सले २५ र आकाश दिप नाथले २४ रन बनाए ।
चेन्नईका दिपक चाहर, ड्याने ब्राभो र रविन्द्र जडेजाले २/२ विकेट लिए ।
आज घरेलु टोली तेस्रो जितको खोजीमा रहेको छ । बैंगलोरले ९ खेलबाट ४ अंक जोडेको छ ।
यता, चेन्नई भने आठौं जितको खोजीमा हुनेछ । चेन्नई बैंगलोरलाई हराएर प्ले अफ सम्भावना बलियो बनाउन चाहन्छ ।
चेन्नईले ९ खेलबाट १४ अंक जोडेको छ ।