एजेन्सी । स्पेनिस ला लिगा फुटबल अन्तर्गत शीर्ष स्थानको बार्सिलोनाले शनिबार राति रियल सोसिडाडसंग प्रतिस्पर्धा गर्दैछ ।
घरेलु मैदान क्याम्प नाउमा बार्सिलोनाले सोसिडाडलाई आथित्यता प्रदान गर्नेछ । बार्सिलोना र सोसिडाडबीचको खेल राति १२:३० मा सुरु हुनेछ ।
पाहुना टोलीविरुद्ध मैदान उत्रदा बार्सिलोना आफ्नो अग्रतालाई फराकिलो बनाउने लक्ष्यमा हुनेछ । दुई दिन अघि च्याम्पियन्स लिगको सेमिफाइनलमा पुगेको बार्सिलोना सोसिडाडविरुद्ध सहज जित निकाल्ने लक्ष्यमा रहनेछ ।
बार्सिलोना ७४ अंक जोडेर शीर्ष स्थानमा छ । बार्सिलोना दोस्रो स्थानको एट्लेटिको मड्रिडभन्दा ९ अंकले अघि रहेको छ ।
यता, सोसिडाड भने बार्सिलोनालाई रोक्दै अंक तालिका सुधार गर्ने लक्ष्यमा हुनेछ । दशौं स्थानको सोसिडाडको ४१ अंक रहेको छ ।
ला लिगा अन्तर्गत नै शनिबार एट्लेटिको मड्रिडले इबरको सामना गर्नेछ ।
-1734879364.jpg)
-1734875597.jpg)
